Recuperando a comunicación
Por unha desas felices casualidades que a vida nos vai
deparando, estes días pasados, mestres traballabamos na coordinación das
actividades do convenio entre a USC e a U-Artemisa, retomamos a comunicación
electrónica con Inés Vega, unha das persoas que promoveu o encontro cultural
galego na cidade de Artemisa en 2012, como responsable do proxecto
sociocultural «Ramas y Raíces Ibéricas»
da sociedade Ferrol y su Comarca.
O mundo é moito máis pequeno do que pensamos e as xentes estamos tamén máis
pretas do que presumimos. Inés e o seu marido, Alberto Hernández, foron dous
dos informantes que participaron no traballo de campo do noso proxecto «Galicia
Mundi: actualidade e prospectiva do asociacionismo galego no exterior. Os retos
en materia educativa, social e cultural», durante a estadía que realizamos na
Habana en febreiro daquel ano. Ámbolos dous recibíronnos como xenerosos
anfitrións no seu fogar e acompañáronnos a visitar a Feira Internacional do Libro de Cuba na Fortaleza de San Carlos de
La Cabaña. Alí fomos entrevistados para un programa cultural de Habana Radio, emisora da Oficina del
Historiador de La Habana, tendo así oportunidade de dar a coñecer o noso
proxecto na illa. Moitas grazas pola vosa hospitalidade, Inés e Alberto, aínda
que a ninguén se lle oculte que este recoñecemento chegue ou, máis ben, se faga
público xa un chisco tarde. Cousas que ten a vida.
Entrevista con Inés Vega e Alberto Hernández |
Ningún comentario:
Publicar un comentario